Monday

TEST: A Mund ta Gjejmë Ngjyrën Tuaj të Preferuar?

Tags


A mund ta gjejmë ngjyrën tuaj të preferuar? Provojeni këtë kuiz. Kliko LUAJ TANI me poshte. Na tregoni me komente nëse e gjejmë dhe mos harroni të lexoni pas testit kuptimin psikologjik të ngjyrës tuaj të preferuar.




Ngjyra që preferoni mund të tregojë karakteristika të fshehta të personalitetit tuaj. E zeza, e bardha, e kuqja, bluja, e verdha, portokallia, e gjelbra dhe grija, të gjitha këto kanë nënkuptime të veçanta

Ngjyra dhe personaliteti

E bardha: Simboli i pastërtisë, pafajësisë dhe naivitetit. E bardha ka lidhje të forta me rininë dhe të qenët i padjallëzuar. Nëse jeni në moshë të madhe dhe preferoni të bardhën, kjo do të thotë se keni një dëshirë të madhe për perfeksion dhe jeni të dhënë pas idealeve të pamundura. E bardha simbolizon gjithashtu dëshirën për gjëra të thjeshta dhe një jetë modeste.

E kuqja: Ngjyra e forcës, shëndetit dhe gjallërisë. E kuqja shpesh është ngjyra që pëlqejnë njerëzit agresivë, shumë socialë dhe impulsivë. Ata që pëlqejnë të kuqen, janë natyrë ambicioze dhe të vendosur për ta shfrytëzuar jetën gjithnjë e më shumë. Atyre nuk u pëlqen monotonia dhe janë shumë optimistë. Megjithatë e kanë të vështirë të jenë objektivë dhe mund të fajësojnë të tjerët për mangësitë që kanë.

Portokallia: Kjo është ngjyra e luksit dhe atyre që kërkojnë kënaqësi. Këta njerëz dëshirojnë të argëtohen dhe të kenë shumë persona rreth vetes. Simpatizuesit e ngjyrës portokalli mund të priren t’i dramatizojnë gjërat pak më shumë nga ç’është e nevojshme. Portokallia është ngjyra e rinisë, forcës, mungesës së frikës, kureshtjes dhe lëvizjes së vazhdueshme.

E verdha: Ngjyra e lumturisë, diturisë dhe imagjinatës. E verdha zgjidhet prej personave aventurierë, që kërkojnë risi dhe janë të vetëpërmbushur. E verdha zakonisht shkon me personalitetin pozitiv dhe mendjen e mirë për të biseduar për biznes, gjithashtu këta njerëz kanë një sens të mirë humori. Ata që preferojnë të verdhën e dinë se çfarë duan dhe janë të dhënë pas lirisë.

E gjelbra: Ngjyra e harmonisë dhe e drejtpeshimit. E gjelbra simbolizon shpresën, paqen dhe logjikën e ftohtë. Njerëzit që preferojnë të gjelbrën janë të sjellshëm dhe të sinqertë. Këtyre personave u pëlqen të bashkëveprojnë me të tjerët, janë modestë dhe të duruar.

Kafe: Një person që pëlqen ngjyrën kafe është shumë i durueshëm, i vendosur, i qëndrueshëm dhe konservativ. Këta njerëz nuk janë impulsivë, por mund të jenë ndonjëherë të pasaktë dhe pa takt. Megjithatë, atyre u pëlqen të jenë të përgjegjshëm dhe të sjellshëm.

E zeza: Të dhënë pas dinjitetit dhe dëshirës për të impresionuar të tjerët pa u vënë në qendër të vëmendjes, njerëzit që preferojnë të zezën kërkojnë të mbështillen nga misteri, por kanë ndjenja të thella dhe të panjohura.

Gri: Ngjyra e paralajmërimit dhe kompromisit. Ata që preferojnë grinë kërkojnë paqen e kënaqësinë dhe shpesh punojnë shumë pa u shpërblyer. Preferuesit e grisë dinë të bëjnë biznes dhe punojnë shumë. Të rinjtë që preferojnë grinë, duket se nuk kuptohen nga të tjerët.

Blu: Të butë, pasionantë dhe të përkushtuar ndaj të tjerëve. Ata që preferojnë blunë janë të dhënë pas analizës së vetes dhe duan ta përmbushin detyrën deri në fund. Atyre u pëlqen të admirohen për karakterin e qëndrueshëm dhe mençurinë. Ata janë të durueshëm, të ndjeshëm, të vetëdijshëm dhe e kontrollojnë shumë mirë veten.

E kaltra në të gjelbër: Janë kompleksë, imagjinativë dhe origjinalë. Personat që preferojnë ngjyrën e kaltër në të gjelbër janë tipa të ashpër me veten dhe shprehen të ftohtë te të tjerët.

Roza: Kjo ngjyrë paraqet karakteristikat e së kuqes, por më të zbutura. Simbolizon dashurinë dhe ndjesinë e afërsisë, por pa pasion. Femrat që preferojnë rozën janë zakonisht mëmësore. Ato dëshirojnë të jenë të mbrojtura, të trajtohen në mënyrë speciale dhe të kenë një strehë të sigurt. Njerëzit që preferojnë rozën duan dashuri dhe siguri.

Vjollca: Personat që preferojnë ngjyrën vjollcë janë shumë individualë, mendjemprehtë dhe të ndjeshëm. Ata kanë shumë dëshirë të jenë unikë dhe të ndryshëm. Me temperament dhe me dëshirë për zgjerim, një person që preferon vjollcën mund të jetë edhe sarkastik kur nuk kuptohet prej të tjerëve.